Donor: BP, ATƏT, Beynəlxalq Maliyyə Korporasiyası, Avrasiya Fondu

Layihənin məqsədi: Əhalinin Enerji resurslarından effektiv istifadə üzrə maarifləndirilməsi 
"Enerji avtobusu” enerjiyə qənaət olunması və alternativ enerji istehsalı barədə maarifləndirmə xarakteri daşıyan səyyar sərgidir.

Sərgi beynəlxalq miqyasda tətbiq olunan alternativ enerji mənbələri barədə ətraflı məlumatların verilməsini təmin etmək, icmalara enerji çözümləri tapmaqda kömək etmək üçün layihələşdirilmişdir.
Bu layihə icmaların sadə günəş panelləri ilə işləyən su qızdırıcıları, külək enerjisi generatorları, mikro su elektrik stansiyası (hidroqurğular), odun kəpəyi qızdırıcıları, məişət qazı hasil etmək üçün bioqaz qurğuları kimi ucuz alternativ enerji istehsalının mövcud üsul və vasitələri barədə biliklərinin artırılmasına kömək edəcək, eləcə də evlərin izolyasiya olunması və enerjidən səmərəli istifadə edilməsi barədə məsləhətlər veriləcək.

14 iyun 2005-ci il tarixdə BP, Avrasiya Fondu, BMK, ATƏT-in və Sənaye və Energetika Nazirliyinin Rəhbəri və nümayəndələrinin iştirakı ilə "Enerji avtobusu”nun rəsmi açılış mərasimi keçirilmişdir.
"Enerji avtobusu” təlimatçılar qrupu ilə birlikdə artıq Gəncəyə ezam olunmuşdur. Hal-hazırda Gəncə və ətraf ərazilərdə yerli İcra Hakimiyyəti, bələdiyyə və icma nümayəndələrinin iştirakı ilə nümayişlərin keçirilməsi davam etdirilir.