Donor: Amerikanın Birləşmiş Ştatları Beynəlxalq İnkişaf Agentliyi/CHF İnternational

İcmaların səfərbər olunması

Azərbaycanın şimal-şərq (Quba, Xaçmaz, Qusar, Dəvəçi) ilkin olaraq 6 fəaliyyətə cəlb olunaraq səfərbər olunmuşdur.

Xaçmaz rayonu - Mollabürhan, Sayad, Yalama
Quba - II Nügədi, Aşağı Atuc, Zərdabi

Icma İnkişaf Şuralarının yaradılması

Səfərbər olunmuş icmalarda Ümumi İcma Yığıncaqları keçirilmiş və layihə barədə məlumatlar verilmişdir. Ümumi səsvermə yolu ilə İcma İnkişaf Şuraları seçilmişdir.

İcma Layihələrinin həyata keçirilməsi

İcmalarda ardıcıl icma görüşləri və dəyirmi masalar təşkil edilərək icmalar tərəfindən tərtib edilmiş layihə büdcələri və layihə təklifləri müzakirə edilmişdir. Layihə təkliflərinin təkmil formada hazırlanması məqsədilə icmalarda məsləhət saatları təşkil olunmuşdur.

Hədəf icmalarda ilkin başlanğıc layihələri təqdim etmək üçün problemləri müəyyənləşdirərək aşağıdakı layihələri prioritetləşdirmişlər:

Xaçmaz rayonu üzrə:

Mollabürhan icması—”İçməli su üçün yeni transformatorun qoyulması və elektrik xəttinin çəkilməsi” 
Sayad icması —Artezian quyusunun qazılması
Yalama icması —suvarma arxlarının təmizlənməsi və bərpası

Quba rayonu üzrə:

II Nügədi icması - Kəndarası yolların təmiri
Aşağı Atuc icması –Yeni suvarma arxının qazılması 
Zərdabi icması - Kənd yolunun təmiri

3 layihə Mollabürhan icması—”İçməli su üçün yeni transformatorun qoyulması və elektrik xəttinin çəkilməsi” , Yalama icması-”Suvarma arxlarının təmizlənməsi və bərpası”, Zərdabi icması - "Kənd yolunun təmiri” tenderdə seçilmiş İcraçı Təşkilata təqdim edilmişdir.
Mart ayında Şimal –Şərq regionu üzrə növbəti icmaların seçimi ilə əlaqədar olaraq Dəvəçi, Xaçmaz, Quba və Qusar rayonlarından icma üzvləri. Bələdiyyə və icra Nümayəndələrinin iştirakı ilə Geniş Rayon Görüşləri keçirilmişdir.
Görüşdə "Ümid” HSDM tərəfindən Proqramın təqdimatı aparılmış və iştirakçılara müraciət formalarının doldurulma qaydaları izah edilmişdir.
Keçirilmiş görüşlərin nəticələrinə uyğun olaraq Şimal-Şərq bölgəsindən 121 müraciət forması qəbul edilərək Beynəlxalq CHF Təşkilatına təqdim edilmişdir.
"Ümid” HSDM-nin əməkdaşları Beynəlxalq CHF Təşkilatının baş ofisində müraciət formalarının qiymətləndirilməsi prosesinə cəlb olunmuşdur.