“Ümid” Sosial İnkişafa Dəstək İctimai Birliyi BMT QAK ilə 1999-cu ildən etibarən əməkdaşlıq edir. Bu əməkdaşlıq çərçivəsində təşkilat qaçqın, məcburi köçkün və sığınacaq axtaran şəxslərin həyat şəraitinin yaxşılaşdırılması, sosial problemlərinin həll edilməsi, təhsil və gəlir imkanlarının artırılması, eləcə də təhsil müəssisələrinin (bağça, məktəb, kitabxana və s.) təmiri və bərpası sahəsində dövlət qurumları ilə əlaqələrin qurulmasına dəstək istiqamətlərində uğurlu fəaliyyət göstərmişdir.

Şərq-Qərb İdarəetmə İnstitutu (ŞQİİ), “Ümid” Sosial İnkişafa Dəstək İctimai Birliyi və Qeyri-Kommersiya Hüququ üzrə Beynəlxalq Mərkəz (ICNL) ilə strateji tərəfdaşlıq çərçivəsində 5 illik (2011–2016) Sosial-İqtisadi İnkişaf Fəaliyyəti (SİİF) layihəsini Azərbaycanda həyata keçirmişdir.

“Ümid” Sosial İnkişafa Dəstək İctimai Birliyi Avropa İttifaqının maliyyə dəstəyi ilə “Kəndlərin Davamlı İnkişafı Təşəbbüsü” (KDİT) layihəsini uğurla həyata keçirmişdir.

"Ümid” Sosial İnkişafa Dəstək İctimai Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə, Azərbaycan Turizm və Menecment Universitetinin texniki dəstəyi ilə həyata keçirilən "Qeyri hökumət təşkilatlarının dayanıqlıq indeksi və ictimai faydalılığı məsələlərinin ictimailəşdirilməsinə dair fəaliyyətin təşkili” layihəsini uğurla tamamlamışdır.

"Ümid” Sosial İnkişafa Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "İcma səviyyəsində sağlam həyat tərzi üzrə maarifləndirmə və narkotik vasitələrdən istifadə üzrə profilaktiki tədbirlərin təşkili” layihəsinin icrasını müvəffəqiyyətlə tamamlamışdır.

“Ümid” Sosial İnkişafa Dəstək İctimai Birliyi Azərbaycan Respublikası Prezidentinin 2020-ci il 27 fevral tarixli 1859 nömrəli Sərəncamı ilə təsdiq edilmiş “Açıq hökumətin təşviqinə dair 2020-2022-ci illər üçün Milli Fəaliyyət Planı”nın (FP) icrasında nəzərdə tutulmuş öhdəliklərin yerinə yetirilməsində “Yerli hökumət və özünüidarəetmə orqanlarına dəstək” layihəsini müvəffəqiyyətlə tamamlamışdır.

"Ümid” Sosial İnkişafa Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra etdiyi "Təhsildə idarəetmənin ictimailəşdirilməsinə dəstək təşəbbüsü” layihəsini müvəffəqiyyətlə tamamlamışdır.

“Ümid” Sosial İnkişafa Dəstək İctimai Birliyi, BMT-nin Qaçqınlar üzrə Ali Komissarlığının (BMT QAK) maliyyə dəstəyi ilə 01 fevral – 31 dekabr 2023-cü il tarixlərini əhatə edən “Mingəçevir, Goranboy, Yevlax şəhər və rayonlarında Məcburi Köçkün İcmalarının Səfərbərliyi və Bacarıqlarının Artırılması” layihəsini uğurla icra edib.

“Ümid” Sosial İnkişafa Dəstək İctimai Birliyi (“Ümid” SİD İB) Azərbaycan Respublikasının Qeyri-Hökumət Təşkilatlarına (QHT-lərə) Dövlət Dəstəyi Agentliyinin maliyyə dəstəyi ilə icra etdiyi “Təhsilalanların sosial rifah mühitinin yaxşılaşdırılması vasitəsilə ictimai-sosial fəallığının artırılması” layihəsini müvəffəqiyyətlə tamamlamışdır (01 avqust - 30 noyabr 2023-cü il).

Azərbaycan Respublikası Elm və Təhsil Nazirliyinin maliyyə, Bakı Şəhəri üzrə Təhsil İdarəsinin texniki dəstəyi ilə “Ümid” Sosial İnkişafa Dəstək İctimai Birliyinin T-NETWORK - təhsil işçilərinin təcrübə və kommunikasiya platforması ilə birgə icra etdiyi “Məktəb icmasının inkişaf etdirilməsi vasitəsilə məktəbin nüfuzunun artırılması təşəbbüsü” layihəsi uğurla tamamlanmışdır (07 dekabr 2022-ci il – 25 dekabr 2023-cü il).