“Ümid” Sosial İnkişafa Dəstək İctimai Birliyinin İcraçı Direktoru İsrayıl İsgəndərovun “Hər bir QHT öz fəaliyyətinin hər bir mərhələsində faydalılıq əmsalını nəzərə almalıdır” adlı məqaləsi Newscenter.az xəbər portalında dərc olunub. Məqalədə qeyri-hökumət təşkilatlarının fəaliyyətlərini planlaşdırarkən, həyata keçirərkən və qiymətləndirərkən faydalılıq əmsalını əsas indikator kimi qəbul etmələrinin vacibliyi vurğulanır.

“Ümid” Sosial İnkişafa Dəstək İctimai Birliyinin sədri və eyni zamanda QHT-lərə Dövlət Dəstəyi Agentliyinin Müşahidə Şurasının üzvü İsrayıl İsgəndərov Azərbaycan Milli QHT Forumu (AMQF) ofisində qonaq olub. Görüş zamanı QHT sektorunun mövcud vəziyyəti, gənclərin ictimai təşəbbüslərə fəal cəlb olunması, eləcə də vətəndaş cəmiyyətinin inkişafı istiqamətində aktual məsələlər müzakirə olunub.

"Ümid" Sosial İnkişafa Dəstək İctimai Birliyinin direktoru İsrayıl İsgəndərov, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) fəal iştirakına görə Azərbaycan Respublikasının Prezidenti cənab İlham Əliyev tərəfindən təşəkkürnamə ilə təltif olunub.

12 noyabr 2024-cü il tarixində "Ümid" Sosial İnkişafa Dəstək İctimai Birliyi COP29 çərçivəsində Yaşıl Zonada yerləşən Milli QHT Forumu Pavilyonunda "Suvarma və İçməli Su Təchizatı üçün İcma Səviyyəli Həll Variantları" mövzusunda panel müzakirəsi təşkil edib. Tədbirdə QHT nümayəndələri, ekspertlər və icma üzvləri iştirak edib. Paneldə bir çox regionda, o cümlədən Azərbaycanda, gözlənilən içməli və suvarma suyu qıtlığı ilə bağlı problemlərin həlli müzakirə olunub.

EENCE-Eduthon-2024 - Vətəndaş cəmiyyətinin inkişafı və vətəndaş təhsilinin təbliği üzrə 6 ölkədə keçirilən bu əhəmiyyətli tədbir 25 sentyabr tarixində Azərbaycanda baş tutub. Tədbir çərçivəsində müxtəlif mövzularda vacib layihələr təqdim olundu: mədəni müxtəlifliyin qorunması, yerli icmaların inkişafı, vətəndaş iştirakçılığının artırılması və digər sosial əhəmiyyətli problemlərin həlli yolları müzakirə edildi.

Bu gün Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclası keçirilib. İclasda Agentliyin 2024-cü il üzrə Fəaliyyət Planının icrası vəziyyəti, həyata keçirilmiş tədbirlər, eləcə də qarşıda duran prioritet istiqamətlər ətrafında geniş müzakirələr aparılıb.

Aprelin 22-də Azərbaycan Dövlət Su Ehtiyatları Agentliyi (ADSEA) ilə bp şirkəti arasında potensial su layihələri üzrə Əməkdaşlıq Müqaviləsi imzalanıb.

Ekologiya və Təbii Sərvətlər Nazirliyi və Qeyri-Hökumət Təşkilatlarına Dövlət Dəstəyi Agentliyinin birgə təşkilatçılığı ilə Bakının Müşfiqabad qəsəbəsində növbəti ağacəkmə aksiyası keçirilib.

"Məcburi Köçkün İcmalarının səfərbərliyi və bacarıqlarının artırılması” layihəsi çərçivəsində UYŞH komponenti üzrə uğur qazanmış iki müdavimin uğur hekayələri BMT-nin Azərbaycan saytında yayımlanmışdır.