QHT-lərə Dövlət Dəstəyi Agentliyinin Müşahidə Şurasının növbəti iclası keçirilib

Bu gün Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclası keçirilib. İclasda Agentliyin 2024-cü il üzrə Fəaliyyət Planının icrası vəziyyəti, həyata keçirilmiş tədbirlər, eləcə də qarşıda duran prioritet istiqamətlər ətrafında geniş müzakirələr aparılıb. Müzakirələr zamanı Şura üzvləri tərəfindən vətəndaş cəmiyyətinin inkişafında QHT-lərin rolunun gücləndirilməsi, regional layihələrin dəstəklənməsi və sosial əhəmiyyətli təşəbbüslərin stimullaşdırılması ilə bağlı müxtəlif təkliflər səsləndirilib.

Toplantıda həmçinin, maliyyə mexanizmlərinin təkmilləşdirilməsi, hesabatlılıq və şəffaflıq prinsiplərinin daha da gücləndirilməsi məsələlərinə toxunulub. Görülən işlər və gələcək planlarla bağlı müvafiq qərarlar qəbul edilib.

Qeyd edək ki, Müşahidə Şurası Agentliyin fəaliyyətinə nəzarəti həyata keçirən və strateji qərarların qəbulunda iştirak edən əsas orqandır. Şuranın mütəmadi iclasları Agentliyin fəaliyyətinin səmərəli və effektiv təşkilinə mühüm töhfə verir.