Qadın hərbçimizdən böyük uğur: BMT-dən medal aldı
Tarix: 15-09-2023, 21:11
Azərbaycanlı qadın hərbçi Lətifə Rüstəmova BMT-nin sülhməramlı missiyasındakı nümunəvi xidmətinə görə təşkilat tərəfindən təltif olunub.
Bu barədə Azərbaycanın BMT yanında daimi nümayəndəliyi "X" hesabında bildirib."Cənubi Sudanda BMT missiyasında göstərdiyi nümunəvi hərbi xidmətə görə həm BMT medalı, həm də tərifnamə ilə təltif edilmiş ilk qadın sülhməramlı mayor Lətifə Rüstəmova ilə biz ikiqat fəxr edirik”, - daimi nümayəndəlik qeyd edib.
Xocalı, Xankəndi və Qarabağın digər rayonlarından olan məcburi köçkünlər bəyanat yayıb
Tarix: 14-09-2023, 20:49
Xocalı, Xankəndi, Xocavənd və Qarabağ bölgəsinin hazırda Rusiya sülhməramlılarının müvəqqəti nəzarətində olan digər rayonlarından olan məcburi köçkünlər dünya ictimaiyyətinə müraciət ünvanlayıblar. Bəyanatı 50 sakin və ictimaiyyət nümayəndəsi imzalayıb. Bəyanatda deyilir: - Biz - Xocalı, Xankəndi, Xocavənd və Qarabağ bölgəsinin hazırda Rusiya sülhməramlılarının müvəqqəti nəzarətində olan digər rayonlarından olan məcburi köçkünlər dünya ictimaiyyətinə bəyan edirik ki, Qarabağ münaqişəsi 2020-ci ildə başa çatsa da, 3 ildir hələ də öz şəhər və rayonlarımıza, kəndlərimizə, evlərimizə, yurd yerlərimizə qayıda bilmirik. Ermənistan saxta təbliğat aparır ki, guya həmin bölgələrdə ancaq ermənilər yaşayıblar. Onlar hətta azərbaycanlıların tarixən həmin ərazilərdə yaşamaları faktını belə danır. Bu uydurma iddiadır! Bizik Xocalının, Xankəndinin, Kərkicahanın, Malıbəylinin, Quşçuların, Meşəlinin, Qaradağlının əsl, əzəli sakinləri! Biz Ermənistanın Azərbaycana qarşı təcavüz siyasəti nəticəsində böyük faciələr yaşamışıq, soyqırımlara, kütləvi qırğınlara məruz qalmışıq. Etnik təmizləmələrlə bizim yaddaşımızı da silməyə çalışıblar, məscidlərimiz, doğmalarımızın qəbirləri dağıdılıb, təhqir olunub, evlərimiz viran edilib, yurd yerlərimizə qondarma adlar qoyulub. Nə qədər insan yurd həsrəti ilə bu dünyadan köçdü. Doğma yurd yerlərimizə böyük ağrı, iztirab hissi ilə ancaq foto və videolarda baxırıq. Bir vaxtlar xoşbəxt yaşadığımız ərazilər indi "boz zona”ya çevrilib. Ermənistan ordusunun qalıqları həmin ərazilərdən tamamilə çıxarılmalı, Ermənistanın yaratdığı və hələ də dəstəklədiyi oyuncaq xunta rejiminin tör-töküntüləri özünü buraxmalı, qanunsuz silahlı dəstələr tərksilah olunmalıdır. Bu, bizim tələbimizdir! Bu, bütün Azərbaycanın tələbidir!...
Gəncədə işsizlər üçün peşə kursları fəaliyyətə başlayıb
Tarix: 12-09-2023, 23:25
Gəncə Peşə Hazırlığı Mərkəzi peşə kursları təşkil edib.
Dərslər Dövlət Məşğulluq Agentliyinin Gəncə–Şərqi Zəngəzur və Qazax–Tovuz Regional Məşğulluq filiallarını əhatə edir. Ümumilikdə 41 nəfər peşə hazırlığına cəlb edilib. Burada "Həyat fəaliyyətinin təhlükəsizliyi mühəndisliyi”, "Mebel ustası”, Təmirçi-çilingər” və "Proqramla idarə olunan dəzgahların operatoru” və s. peşələr tədris edilir. Peşə hazırlığı müddətində müdavimlərə minimum aylıq əməkhaqqı məbləğində təqaüd veriləcək.
Qeyd edək ki, təlimlər bitdikdən sonra imtahanları uğurla verən məzunlara rəsmi dövlət sertifikatı təqdim olunacaq və onların işlə təmin olunmalarına dəstək göstəriləcək.
“The National Interest” jurnalında Ermənistanın Laçın yolu ətrafında süni böhran yaratmaq cəhdlərindən bəhs olunub
Tarix: 12-09-2023, 23:23
ABŞ-ın nüfuzlu "The National Interest” jurnalında Cənubi Qafqaz Tədqiqatlar Mərkəzinin direktor müavini Fuad Çıraqovun "Laçın yolu ətrafında Ermənistanın beynəlxalq miqyasda təşkil etdiyi süni böhran”a həsr olunmuş məqaləsi dərc edilib.
Məqalədə Ermənistanın Laçın ətrafında yaratdığı süni böhranla bir müddət əvvəl kövrək ümidlər vəd edən danışıqlar prosesinə ciddi şəkildə zərbə vurduğu qeyd olunur. Laçın yolundan əvvəllər minaların, silahların daşınması və qaçaqmalçılıq məqsədilə istifadə olunduğu xatırladılıb. Müəllif Laçın yolu ətrafında yaradılan süni böhrandan Ermənistanın alət kimi istifadə edərək məsələni BMT Təhlükəsizlik Şurasının (TŞ) iclası səviyyəsinə qədər gətirdiyini diqqətə çatdırıb. Bildirilib ki, Təhlükəsizlik Şurasının iclasında bəzi ölkələrin çıxışlarında humanitar məsələlərdən siyasi məqsədlər üçün istifadə etməmək çağırışı təsadüfi deyil. Ermənistanın apardığı kampaniya ilə Azərbaycana, beynəlxalq ictimai rəyə və BMT-nin Təhlükəsizlik Şurasının üzvü olan ölkələrə qarşı psixoloji və mənəvi təzyiq etməyə çalışdığı göstərilib.
Ermənistanın bu kampaniya vasitəsilə beynəlxalq ictimai rəydə guya "Qarabağ erməniləri Azərbaycanın tərkibində yaşaya bilməz” qənaətini yaratmağa çalışdığı diqqətə çatdırılıb. Bununla da, əslində, Ermənistanın danışıqlar prosesində əvvəlcədən səmimi olmadığı oxucuların diqqətinə çatdırılıb. Bu həqiqəti oxuculara izah etmək üçün 2021-ci ildə Ermənistanda parlament seçkilərindən sonra yeni hökumətin Qarabağ ermənilərinin Azərbaycandan xilas naminə ayrılmasına (remedial seccession) nail olması ilə bağlı öhdəlik götürməsi xatırladılıb. Ona görə də Laçın yolu ətrafında yaradılan süni böhranın da əsl məqsədinin buna xidmət etdiyi göstərilib. Məqalədə, eləcə də Qarabağdakı ermənilərin yaranmış vəziyyətin girovuna çevrildiyi qeyd edilib. Nəticədə isə digər dövlətlərə xatırladılıb ki, əgər onlar həqiqətən də Qarabağdakı ermənilərin "humanitar böhran”la üzləşdiklərinə inanırlarsa, o zaman bilməlidirlər ki, humanitar yüklərin çatdırılması üçün Ağdam yolu açıqdır.
İcma: ABŞ-ın haqq işimizə məhəl qoymaması onun insan hüquqlarına sadiqliyinə ziddir
Tarix: 12-09-2023, 23:20
Amerika Birləşmiş Ştatlarının (ABŞ) bizim haqq işimizə heç bir məhəl qoymaması onun insan hüquqlarına sadiqliyinə ziddir.
Bu barədə Qərbi Azərbaycan İcmasının yaydığı bəyanatda bildirilib.
"Biz Amerika Birləşmiş Ştatlarının (ABŞ) Dövlət katibi Antoni Blinkenin 2023-cü il sentyabrın 10-da verdiyi bəyanatı qeydə aldıq. O, bəyanatında Ermənistan və Azərbaycan arasında istənilən sülh razılaşmasının Azərbaycanın Qarabağ bölgəsinin sakinlərinin hüquqlarını və təhlükəsizliyini qorumalı olduğunu vurğulayır və Bakı ilə Qarabağın sakinləri arasında dialoqa çağırış edir.
Biz çox təəssüf edirik ki, Dövlət katibi Blinken Ermənistandan zorla qovulmuş azərbaycanlıların məsələsinə toxunmayıb. Məlumdur ki, Ermənistan öz ərazisindən azərbaycanlıların hamısını zorla çıxarıb və onları öz evlərinə qayıtmaq hüququndan məhrum etməkdə davam edir. Ermənistan bu məsələdə Qərbi Azərbaycan İcması ilə dialoqa belə razılıq verməyib.
Bunun əksinə olaraq, Azərbaycan 2020-ci ildə müharibə başa çatdıqdan dərhal sonra ermənilərin Qarabağ bölgəsinə qayıtmasına şərait yaratmışdır. Azərbaycan, həmçinin Qarabağda yaşayan ermənilərlə təmaslar istiqamətində fəal addımlar atır və onları cəmiyyətə inteqrasiya etməyə çalışır. Bundan əlavə, ermənilər Qarabağ bölgəsindən kənar Azərbaycanın ərazilərində tamhüquqlu vətəndaş kimi yaşayırlar...
BMT-nin Cenevrə bölməsində “Azərbaycan” otağının açılışı olub
Tarix: 12-09-2023, 23:17
Sentyabrın 12-də xarici işlər naziri Ceyhun Bayramov Birləşmiş Millətlər Təşkilatının Cenevrə bölməsində yeni dizayn və konsepsiya əsasında bərpa olunmuş "Azərbaycan” otağının açılışını edib. Açılışda BMT-nin Cenevrə bölməsinin baş direktoru Tatyana Valovaya, bir sıra ölkələrin Cenevrədəki daimi nümayəndələri iştirak edib.
Tədbir zamanı çıxış edən nazir Ceyhun Bayramov və baş direktor Tatyana Valovaya BMT-nin Cenevrədəki Ofisinin səmərəli fəaliyyət göstərməsi üçün "Azərbaycan” otağının olduqca faydalı töhfə olduğunu vurğulayıblar.
2007-ci ildə Heydər Əliyev Fondu tərəfindən yaradılan otağın təmirinə 2022-ci ildə başlanıb. Ən yüksək texnologiyalar əsasında təmir edilən otaqda çox sayda monitor, kamera, audio-video avadanlıq və aksesuar quraşdırılıb. Otaq, həmçinin qabaqcıl proqramlaşdırma ilə təmin olunub. Yaradılan texnoloji həllər qlobal şəkildə sinxronlaşdırılmış görüşlərin, təqdimatların və iclasların keçirilməsinə imkan verir.
Otağın tərtibatında milli elementlərə də xüsusi yer ayrılıb. Otağın girişindən etibarən Azərbaycanın tarixini, zəngin təbiətini əks etdirən fotolar habelə şəbəkə elementləri ilə dizayn edilib. Həmçinin Azərbaycanın memarlığını nümayiş etdirən fotolar xüsusi dizaynla təqdim edilib. Bundan əlavə, Qarabağ xalçası, şəbəkə eksponatı, muğam musiqisi alətləri nümayiş etdirilir...
Kolumbiya mətbuatı erməni vəhşiliklərinə göz yummamağa çağırır
Tarix: 12-09-2023, 16:31
Kolumbiyanın məşhur "Atlantik” radiosunun internet səhifəsində "Ermənistan-Azərbaycan, Qarabağ müharibəsinin digər üzü” başlıqlı məqalə dərc olunub.
Məqalədə kolumbiyalı jurnalist Paola Varqas ölkəmizə səfəri zamanı işğaldan azad olunmuş ərazilərdə şahidi olduğu vəhşiliklərdən söhbət açır, məqsədinin "Azərbaycanın üzləşdiyi barbarlığı” oxucuların diqqətinə çatdırmaq olduğunu bildirir.
Jurnalist qeyd edir ki, otuz ilə yaxın müddətdə Ermənistanın işğalı altında olmuş Qarabağda törədilən ağlasığmaz vəhşiliklərin izləri hələ də qalır. Viran qoyulmuş, dağıdılmış və minalarla çirkləndirilmiş bu ərazilərin yenidən qurulması və bərpası kifayət qədər vaxt tələb edir.
P.Varqas erməni işğalından öncə dinamik həyata və sosial-iqtisadi inkişafa malik Azərbaycan şəhərlərinin xarabalığa, "kabus şəhər"ə çevrilməsindən dəhşətə gəldiyini, Gəncə şəhərində yaşayış məntəqəsinə raketlərlə hücumun həyata keçirildiyi yerdə gördüklərinin onu daha da hiddətləndirdiyini vurğulayaraq qeyd edib: "Ermənistanın günahsız insanlara hücum etməkdə məqsədi nə idi? Niyə beynəlxalq kütləvi informasiya vasitələrində bu həqiqətlərdən danışılmır?”...
Beynəlxalq Qırmızı Xaç Komitəsinin adının separatçılarla bir yerdə çəkilməsi çox böyük təəssüf doğurur
Tarix: 11-09-2023, 16:28
Dünyada humanitar missiyalı üstqurum olan Beynəlxalq Qırmızı Xaç Komitəsinin adının Ermənistan dövləti və separatçılarla bir yerdə çəkilməsi çox böyük təəssüf doğurur. Çətin vəziyyətdə olan insanlara yardım göstərmək kimi xeyirxah bir işi yerinə yetirməli olan bu beynəlxalq təşkilat Vətən müharibəsi günlərində də ikili standartlar yürüdüb. Onların erməni əsirlərinin Füzulidən çıxarmağa çalışması, Laçın-Xankəndi yolu ilə qeyri-qanuni olaraq silah və sursat daşıması və digər qanunsuz daşımaların həyata keçirməsi təşkilatın adı ilə əməlinin uyğun gəlmədiyinin göstəricisidir.
Bu sözləri Beynəlxalq Avrasiya Mətbuat Fondunun rəhbəri Umud Rəhimoğlu deyib.
Fondun rəhbəri daha sonra bildirib: "Son günlər Qarabağ iqtisadi regionunda baş verənlər separatçıların niyyətlərini, onların arxasında olan müəyyən beynəlxalq təşkilat və dövlətlərin tamaşa quraraq guya ermənilərin uzun müddət ac qaldıqları, onların "humanitar fəlakətlə” üzləşdiklərini deyirlər. Əgər bir kəndin və ya qəsəbənin sakinləri aclıqdan əziyyət çəkirsə, onun uşağına, yaşlı sakininə, qocasına və xəstəsinə ünvanlanan ərzaq və qidalar niyə qəbul olunmamalıdır? Əlbəttə ki, bu həqiqət olsaydı, ac sakinlər özləri Ağdam- Xankəndi yolunun qarşısını kəsənləri cəzalandırardılar. Lakin hər kəs bilir ki, bu, "humanitar fəlakət” və "aclıq şousundan” əziyyət çəkən yoxdur.
Azərbaycan Qızıl Aypara Cəmiyyəti xeyirxah təşəbbüs göstərərək avqustun 29-da 40 ton un məmulatından ibarət yük göndərib. Neçə gündür ki, həmin karvan Rusiya sülhməramlıların müvəqqəti nəzarəti altında olan ərazinin giriş qapısında gözləyir. Buna nə ad vermək olar? Belə bir xeyirxah və xoş məramlı addım niyə düzgün qiymətləndirilməməlidir? Beynəlxalq Qırmızı Xaç Komitəsinin Xankəndindəki ofisi niyə Bakıya tabe olmaq əvəzinə Yerevana bağlı olmalıdır? Əgər Qarabağ Azərbaycan ərazisidirsə, Xankəndi niyə koordinasiyanı Yerevanla etməlidir? Bu, həmin təşkilatın Azərbaycana qarşı hörmətsizliyidir”...
“Təhsilalanların ictimai-sosial fəallığının artırılması” layihəsi çərçivəsində hədəf məktəblərdə ilkin görüş keçirilib
Tarix: 11-09-2023, 00:18
Azərbaycan Respublikasının Qeyri-Hökumət Təşkilatlarına (QHT-lərə) Dövlət Dəstəyi Agentliyinin maliyyə dəstəyi ilə "Ümid” Sosial İnkişafa Dəstək İctimai Birliyi ("Ümid” SİD İB) tərəfindən icra olunan "Təhsilalanların sosial rifah mühitinin yaxşılaşdırılması vasitəsilə ictimai-sosial fəallığının artırılması” layihəsi çərçivəsində 11 sentyabr 2023-cü il tarixdə Bakı şəhəri Hövsan qəsəbəsində yerləşən M.Mehdiyev adına 280 saylı və Türkan qəsəbəsində yerləşən 262 saylı tam orta məktəblərdə məktəb administrasiyası ilə görüş keçirilib. Görüşdə layihənin əsas ideyası, eləcə də layihədə nəzərdə tutulan vəzifələr haqqında rəhbərliyə və aidiyyətə şəxslərə məlumat verilib.
Cari ilin avqust ayından icra olunan sözügedən layihənin əsas məqsədi ümumi maraqları, çətinlikləri və məqsədləri uyğun gələn təhsilalanları və onların qruplarını öz problemlərini müəyyənləşdirə və prioritetləşdirə bilən qruplar/klublar səviyyəsində inkişaf etdirməkdir. Layihə çərçivəsində "Film Yaradıcıları və Fotoqrafiya”, "İncəsənət və Mədəniyyət”, "Ədəbiyyat və Poeziya”, "Eko klubu”, "Musiqi və Dram (teatr)” və s. adlı ən az 4 qrup/klubun yaradılması nəzərdə tutulur. İƏT beynəlxalq ictimaiyyəti Azərbaycanın Qarabağ bölgəsində keçirilən qondarma “seçkilər”i tanımamağa çağırıb
Tarix: 10-09-2023, 22:05
İslam Əməkdaşlıq Təşkilatının (İƏT) Baş Katibliyi beynəlxalq ictimaiyyəti Azərbaycanın Qarabağ bölgəsində keçirilən qondarma "seçkilər”i tanımamağa çağırıb.
Təşkilatın bununla bağlı yaydığı bəyanatda deyilir: "Azərbaycanın müvəqqəti olaraq Rusiya sülhməramlılarının məsuliyyət zonasında yerləşən beynəlxalq səviyyədə tanınmış Qarabağ bölgəsində keçirilən qondarma "seçkilər” regionda beynəlxalq hüquqa zidd olan mövcud vəziyyəti birtərəfli qaydada legitimləşdirmək cəhdlərinin yeni təzahürüdür. Bu addım BMT Təhlükəsizlik Şurasının, İƏT-in qətnamələri və ATƏT-in prinsipləri daxil olmaqla, beynəlxalq hüququn kobud şəkildə pozulmasıdır.
İƏT Baş Katibliyi Azərbaycanın və Ermənistanın sülh danışıqlarını davam etdirməyə çalışdığı bir vaxtda keçirilən bu "seçkilər”i danışıqlara xələl gətirən addım kimi qiymətləndirir.
Baş Katiblik Azərbaycanın suverenliyinin və ərazi bütövlüyünün pozulması olan bu qeyri-legitim "seçkilər”i tanımır. O, BMT-ni və beynəlxalq ictimaiyyəti bu seçkiləri tanımamağa, Ermənistanın regionda kövrək normallaşma səylərinə təhlükə yaradan addımlar atmasının qarşısını almaq üçün təsirli tədbirlər görməyə çağırır.
Azərbaycan ilə Ermənistan arasında sülh danışıqları prosesini dəstəkləyən İƏT tezliklə davamlı sülh sazişinin imzalanmasının regionda sülhə və sabitliyə böyük töhfə verəcəyinə inanır”.
Həftənin Hekayəsi
-
Ardı...
Pozitiv Canavar
"İcma Mikrolayihələrinin İdarə Olunması” layihəsi çərçivəsində Kürdəmir rayonuŞıxımlı icmasında İcma Qrupu üzvləri və Bələdiyyə sədri ilə ilkin görüş keçirilirdi. Biz Zakir müəllimlə birlikdə layihə barədə məlumat verdik və onların seçdikləri problemin həllinə dəstək verəcəyimizi bildirdik. Bu zaman görüşdə iştirak edən 78 yaşlı İcma Qrupu üzvü Ömər kişi dedi:
Əflatun Verdiyev
